Жалпы республикалык тестирлөө качан өтөрү белгилүү болду

Өлкөдө Жалпы республикалык тестирлөө 24-майдан 25-июнга чейин өтөт. Бул тууралуу Билим берүү жана илим министрлигинин басма сөз кызматынан билдиришти.

Ага ылайык, ЖРТ төмөнкү мөөнөттөрдө өткөрүлөт:

• I этап - 24-25-май (23-май – тест борборлорун даярдоо күнү);
• II этап - 27-28-май (26-май – тест борборлорун даярдоо күнү);
• III этап - 24-25-июнь (23-июнь – тест борборлорун даярдоо күнү).

Соңку III этапта жүйөлүү себептер менен тест тапшырбай калган абитуриенттер үчүн мөөнөтү жылдырылган тестирлөө өткөрүлөт.

Ал эми каттоого жетишпей калган абитуриенттер үчүн 23, 26-майда жана 23-июнда тесттик борборлордо кошумча каттоолор жүргүзүлөт.