"Тез бузула турган азыктарды алууда сак болуңуздар". Ошто тамак-ашка уулангандар катталууда

Ош шаарында акыркы учурда тамак-ашка уулангандар катталганына байланыштуу Ош шаардык ички иштер башкармалыгы эскертүү жасады.

"Акыркы сутка аралыгында Ош шаарынын аймагында азыктарга уулануунун бир нече фактысы катталганын эске алып жана аба ырайынын кескин түрдө ысып кеткендигине байланыштуу тез бузула турган азык-түлүктөрдү сатып алууда сак болуңуздар. Алардын жарамдуулугуна, сапатына жана тиешелүү документтерине көңүл бөлүңүздөр", - деп жазылат эскертүүдө.