Ата мекендик өндүрүштү колдойлу! SUPER.KG порталында жаңы MADE IN KG долбоору старт алды

SUPER.KG порталы өзүнүн көрөрмандарына жакшы жаңылык дайындады. Бул кандай жаңылык десеңиздер, MADE IN KG жаңы долбоорунун старт алуусу. Биз Кыргызстанда жасалган түрдүү өндүрүштү дүкөндүн текчесинен гана эмес, дал ошол жасалып жаткан завод-фабрикаларга баш багып көрсөтүүгө бел байладык.

Анда урматтуу көрөрман, сиз сүйүп даамдаган тамак болобу, сиз жактырып кийген кийим болобу, балким, сизди ынандырган кайсы бир кызмат болобу, кыскасы, Кыргызстанда чыгарылган, жасалган, ойлонуп табылган нерселердин парда артындагы иш алып баруусун ачык-айкын көрсөтүп беребиз. MADE IN KG долбооруна кош келиңиз!