"Байге фонду миллион сом". Кыргызстанда алгачкы жолу оркестр сынагы өттү (сүрөт, видео)

Кыргызстанда алгачкы жолу оркестр коллективдеринин сынагы өттү. Бул тууралуу Маданият, маалымат, спорт жана жаштар саясаты министрлигинен кабарлашты.

Маалыматка ылайык, 7-май күнү Улуттук тарых музейинин алдында жети дубандын оркестр коллективдеринин катышуусунда сынак өткөрүлүп, иш-чараны 600гө жакын өнөр адамдарынын концерттик программасы коштоду.
Программанын алкагында байге фонду миллион сомду түзгөн сынактын жыйынтыгы аныкталып, жеңүүчүлөр сыйланды.
Ошондой эле иш-чаранын жүрүшүндө министр Азамат Жаманкулов өлкө тарыхында алгачкы жолу тушоосу кесилген сынак эми жыл сайын өтө турганын белгилеп, байге фонду кеңейе турганын билдиргени маалымдалат.