Эртеңден баштап Боомдо таштарды түшүрүү иштери жүргүзүлөт

10-майдан 13-майга чейин Бишкек-Нарын-Торугарт жолунун 118-чакырымында, тагыраагы, Боом капчыгайында таштарды түшүрүү иштери жүргүзүлөт. Бул тууралуу “Кыргыз темир жолу” мамлекеттик ишканасынын басма сөз кызматынан маалымдашты.

"Таштарды түшүрүү иштери Жол кыймылынын коопсуздугун камсыздоо башкы башкармалыгынын кызматкерлери тарабынан жолду жарым-жартылай тоскондон кийин күндүз жергиликтүү убакыт боюнча саат 09:00дөн 15:00гө чейин жүргүзүлөт.

Жолду тазалоо учурунда транспорт бир тилке боюнча багытталат. 30-40тан ашык унаанын топтолушу менен таштарды түшүрүү иштери токтоп, унааларды өткөрүүгө уруксат берилет", - деп айтылат билдирүүдө.

Иш-чаралар таш кулоо коркунучун алдын алуу максатында жүргүзүлүүдө.