Бишкекте 7 дубандан келген энелер жөө жүрүшкө чыгышты (фото)

15-майда энелер күнүнө арналган майрамдын урматына борбор калаада өлкөнүн 7 облусунан келген энелердин жөө жүрүшү өттү. Бул тууралуу Бишкек шаардык мэриянын басма сөз кызматынан билдиришти.

Маалыматка ылайык, катышуучулар «Россия» кинотеатрынан баштап Горький сейил багына чейин басышкан, сейил бакта концерттик программа, мастер-класстар жана энелер жасаган улуттук буюмдардын жарманкеси уюштурулган. Борбор калаанын мэри Эмилбек Абдыкадыров да куттуктоо сөз сүйлөп, чың ден соолук, бакубат жашоо каалаган.

Бул иш-чара «Кыргызстан пенсионерлер партиясынын» демилгеси менен Биринчи май муниципалдык администрациясынын, Бишкек шаарынын мэриясынын маданият, спорт, туризм жана жаштар иштери боюнча башкармалыгынын, «Бишкекжарык» жана «Тазалык» ишканасынын колдоосунда уюштурулду.