Бишкекте республикалык олимпиаданын III этабында 82 окуучу жеңүүчү аталды

Бишкекте мектеп окуучулары арасындагы республикалык (шаардык) олимпиаданын III этабынын жыйынтыгы чыгарылды. Бул тууралуу мэриянын маалымат кызматынан билдиришти.

Маалыматка ылайык, олимпиаданын жеңүүчүлөрүнө сыйлыктарды Бишкек шаарынын вице-мэри Виктория Мозгачева тапшырды.

82 окуучу жеңүүчү аталып, анын ичинен: 1-орун – 25 окуучу, 2-орун – 30 окуучу, 3-орун – 27 окуучу. Жалпысынан шаардын орто мектептеринин 224 окуучусу катышышты.

Иш-чара №62 окуу-тарбия комплексинин мектеп гимназиясынын базасында эки күн 11 предмет боюнча болуп өттү: математика, химия, физика, кыргыз тили жана адабияты, тарых, география, биология, орус тили жана адабияты, англис тили жана информатика боюнча Б.Ельцин атындагы Кыргыз-Орус Славян университетинде өткөрүлдү.

Жакшы көрсөткүчтөрү үчүн окуучуларды олимпиадага даярдаган мугалимдер да сыйланышты.

Олимпиаданы өткөрүү үчүн предметтик комиссиялардын курамына борбордогу 6 Жогорку окуу жайдын профессордук-окутуучулук курамынын өкүлдөрү чакырылган.