"Тил маанилүү эмес". Улуу Британияга миң кыргызстандык жумушка жөнөтүлөт

Улуу Британияга 1000 Кыргыз жараны жумушка жөнөтүлөт. Бул тууралуу Эмгек, социалдык камсыздоо жана миграция министрлигинен билдиришти.

Маалыматка ылайык, Улуу Британия менен түзүлгөн келишимдин негизинде Кыргызстандан миң киши жумушка жөнөтүлөт. Министрликтин жарандарды чет өлкөгө ишке орноштуруу борборунун директору Кубандык Акматбеков алардын биринчи тобу 20-майда кете тургандыгын билдирди.

“25-майга дагы 486 киши кетет. Жалпысынан 16 жаштан 46 жашка чейин миң кишини 6 айга келишимдин негизинде жөнөтөбүз. Алар айыл чарба иштерине тартылат, англис тилин билүү маанилүү эмес, эң башкысы барган өлкөнүн шарттарын бузбаса, мыйзамды сактаса болду. Медициналык камсыздандыруу да бар”, - деди ал.