Президенттик администрациянын тышкы саясат бөлүмүнө жаңы жетекчи дайындалды

Президенттин администрациясынын тышкы саясат бөлүмүнүн башчысы болуп Муратбек Азымбакиев дайындалды. Бул туурасында президенттик администрациянын маалымат кызматынан билдиришти.

Андагы маалыматка ылайык, тиешелүү жарлыкка президент Садыр Жапаров кол койгон.

Муратбек Азымбакиев буга чейин Шанхай кызматташтык уюмунун башкы катчысынын орун басары кызматында, Тышкы иштер министрлигинде да иштеген.

Белгилей кетсек, президенттин администрациясынын тышкы саясат бөлүмүн Жээнбек Кулубаев жетектеп, ал ушул жылдын апрель айында тышкы иштер министри болуп дайындалган.