Чүйдө эпилепсия менен жабыркаган жаран дайынсыз болуп изделүүдө

Чүйдүн Кемин районунда 28 жаштагы Жолдошбек Чубак уулу дайынсыз болуп изделет. Аны табууга жакындары жана милиция кызматкерлери жардам сурайт.

Чүй ОИИББинин маалымат кызматынан кабарлашкандай, Жолдошбек Чубак уулу 24-майда Калмак-Ашуу айылындагы мечиттен чыккан бойдон дайынсыз болууда.

Белгилери: бою 180 сантиметр, чачтары кара.

Ошол күнү кийип жүргөн кийимдери: кара спорттук костюм, көк панама, кара спорттук бут кийим.

Өзгөчө белгилери: моюнунда так бар, эпилепсия менен жабыркайт.

Эгерде изделип жаткан жаранды көргөн, билгендер болсо кабар берип коюуну милиция кызматкерлери өтүнөт. Байланыш номерлери: (0312) 43-01-27, (0312) 43-88-85, (0312) 61-68-41, (0335) 5-02-80 же 102.