Жумгалда пара менен кармалды делген судьяга кылмыш иши козголду (сүрөт, видео)

Нарын облусунун Жумгал райондук сотунун судьясына кылмыш иши козголду. Бул тууралуу УКМКнын маалымат кызматынан билдиришти.

Маалыматка ылайык, аталган райондун судьясы жана прокурорунун орун басары Х.Д. аттуу жарандан опузалап акча каражатын талап кылышкан.

"Судья А.А.га карата кылмыш-жаза кодексинин 343-беренеси (опузалап пара алуу) боюнча кылмыш иши козголду. Ал эми прокурордун орун басары О.Ж. эки айлык мөөнөткө УКМКнын тергөө камак жайына киргизилди", - деп айтылат маалыматта.