Кыргызстандын Мамлекеттик чек ара кызматынын түзүлгөнүнө 23 жыл толду

Бүгүн, 28-майда Кыргызстандын Мамлекеттик чек ара кызматынын түзүлгөнүнө 23 жыл толду.

Буга байланыштуу Дайыр Асанов атындагы "Жеңиш" сейил багында майрамдык иш-чара уюштурулду.

Иш-чарага Улуттук коопсуздук мамлекеттик комитетинин төрагасы Камчыбек Ташиев баштаган УКМКнын жана Чек ара кызматынын жетекчилиги, өздүк курам, ардагерлер жана күч түзүмдөрүнүн жетекчилери катышты. Чек ара кызматынын бир катар кызматкерлерине сыйлыктар тапшырылып, "Чек арачы жоокер" айкелине гүлчамбар коюлду.

Белгилей кетсек, бул күн 1999-жылдын 28-майында чек ара кызматынын макамын жогорулатуу жана анын ишин жакшыртуу максатында президенттин жарлыгы менен бекитилген.

Өлкөнүн чек ара кызматы алгач Улуттук коопсуздук мамлекеттик комитеттин курамына кирип, андан соң өз алдынча мекеме болуп өзгөргөн.

Ал эми 2020-жылы кайрадан Улуттук коопсуздук мамлекеттик комитетинин курамына киргизилген.