Эртең Бишкектин бир катар аймактарында таза суу убактылуу берилбейт

Эртең, 31-майда шаардын бир катар аймактарында ичүүчү суу убактылуу өчүрүлөт. Бул тууралуу "Бишкексууканал" ишканасынан билдиришти.

Маалыматка ылайык, "Сельский" суу алгычындагы оңдоо иштерине байланыштуу ичүүчү суу убактылуу токтотулат. Саат 9:00дөн 21:00гө чейин ичүүчү суу төмөнкү аймактарда берилбейт.

Анкара-Рухий Мурас-ВБЧК

Туңгуч кичи району (батыш тарабы): №181 бала бакча, Туңгуч кичи району 21/1, №73 орто мектеби, №92 орто мектеби, Рухий Мурас жаңы конушу.

Мэрия шаар тургундарынан келтирилген ыңгайсыздыктар үчүн кечирим сурайт жана ичүүчү суу камдап алуусун суранат.