Өлкөдө жыл башынан бери 5 массалык уулануу катталды

Өлкөдө жыл башынан бери 5 массалык уулануу катталды. Бул туурасында маалымат жыйында Саламаттык сактоо министрлигинин Саламаттыкты сактоо жана коопсуздук департаментинин тамак-аш азыктарынын коопсуздугун көзөмөлдөө жана алиментардык оорулардын алдын алуу башкармалыгынын жетекчиси Азамат Имакеев билдирди.

Анын айтымында, уулануудан 117 адам жабыркаган.

"Ысык-Көл облусундагы мектептердин биринде "Алиппе" майрамы өткөрүлгөн. Анда Балыкчыдан кондитердик дүкөндөн таттуу токоч алып келип жешкен. Анын негизинде уулануу катталган болчу. Экинчиси Ош облусунун Кара-Суу районунда таттуу токочтон массалык уулануу болду. Андан жалпы 56 адам жабыркаган. Ошондой эле Сүлүктү шаарында тойдо массалык уулануу катталган. Кадамжайда 5 мектеп окуучусу ууланган. Мындан тышкары Бишкек массалык уулануулардын бири Бишкек шаарында катталган. Аларга лабораториялык изилдөөлөр жүргүзүлгөн", - деди Имакеев.

Мындан тышкары ал профилактикалык иштерди жүргүзүү максатында адистер соода-сатык жайларында текшерүү иштерин жүргүзгөнүн кошумчалады.