Айдоочулардын эсине. Бүгүн Бишкектин борбордук көчөлөрү убактылуу жабылат

Бүгүн, 8-июнда Бишкектин борбордук көчөлөрү саат 16:00дөн тартып 23:00гө чейин жабык болот. Бул тууралуу милициянын кайгуул кызматынан билдиришти.

Билдирүүгө ылайык, мындай чектөө Дөлөн Өмүрзаков атындагы стадиондо өтө турган Азия Кубогуна тандоо оюндарына байланыштуу киргизилген.

Төмөнкү көчөлөр жабылат:

- Тоголок Молдо көчөсү түндүктү көздөй Чүй көчөсүнөн тартып, Фрунзе көчөсүнө чейинки бөлүгү;

- Фрунзе көчөсү күн чыгышты көздөй Исанов көчөсүнөн тартып, Панфилов көчөсүнө чейинки бөлүгү.

Милициянын кайгуул кызматы айдоочуларды жогорудагы жабык көчөлөрдү эске алып, жолду алдын ала тандап алууну эскертет.

Маалымат үчүн: Бүгүн Дөлөн Өмүрзаков атындагы стадиондо Тажикстан Мьянма курамасы менен ойносо, Кыргызстан Сингапур менен ойнойт. Азия Кубогуна тандоо оюндарына карата футбол боюнча Кыргыз улуттук курама командасынын акыркы курамы шилтемеде.