Бишкек-Балыкчы-Бишкек багыты боюнча поезд каттамы жүрө баштайт

Бишкек-​​Балыкчы-Бишкек багытындагы №608, 609 жүргүнчү ташыган поезд 17-июндан 17-июлга чейин жума, ишемби, жекшемби күндөрү, ал эми 18-июлдан 31-августка чейин күнүгө каттайт. Бул тууралуу "Кыргыз темир жолу" мамлекеттик ишканасынын басма сөз кызматынан билдиришти.

Маалыматка ылайык, №608 "Бишкек-2 – Балыкчы" поезди "Бишкек-2" станциясынан саат 07:40та чыгып, "Балыкчы" станциясына саат 11:42де жетет.

№609 "Балыкчы – Бишкек-2" поезди "Балыкчы" станциясынан саат 17:48де чыгып, "Бишкек-2" станциясына 21:50дө келет.