Атактуу ырчы Жастин Бибер бетинин шал оорусуна алып келген дартка чалдыкканын айтты

Канадалык ырчы Жастин Бибердин Рамсей-Хант синдромунан улам бетинин жарымы шал болуп калды. Бул тууралуу ырчы социалдык тармактагы баракчасына жазды.

"Менин жүзүмдөн көрүнүп тургандай, менден Рамсей-Хант деп аталган синдром табылды. Бул вирус кулактагы нервге жана бет нервдерине чабуул жасайт", - деди Бибер социалдык тармакка жарыялаган видеодо.

Ырчы белгилегендей, анын бетинин оң жагы толугу менен шал болуп калган. Бибер камерага бир көзү менен гана ирмеп, оозунун бир жагы менен жылмая ала турганын көрсөткөн.