Жылдыз Бакашова Тарых музейинин жетекчисинин милдетин убактылуу аткарат

Министрлер кабинетинин төрагасынын мурдагы орун басары Жылдыз Бакашова жаңы кызматка барды. Тагыраагы, ал Кыргыз улуттук тарых музейинин жетекчилик кызматына убактылуу дайындалды. Бул туурасында Маданият, маалымат, спорт жана жаштар саясаты министрлигинин маалымат кызматы тарабынан белгилүү болду.

Мекеменин маалыматына ылайык, Жылдыз Бакашова тарых музейинин жетекчисинин милдетин убактылуу аткаруучу болуп дайындалды. Учурда ал ишке киришип, милдетин аткарып жатканын кошумчалашты мекемеден.

Белгилей кетсек, 2021-жылы 19-ноябрда беш жыл бою оңдоп-түзөө үчүн жабык турган Улуттук тарых музейинин салтанаттуу ачылышы болгон.

Маалымат үчүн:

Кыргыз улуттук академиялык драма театрын оңдоп-түзөө иштерине аталган театрдын имаратын оңдоп-түзөөдөн өткөрүү үчүн мамлекеттик бюджеттен 44 миллион 722 миң сом бөлүнгөн.

Тарых музейи 2016-жылы жабылып, реконструкциялоо башталган. 2018-жылы оңдоп-түзөө иштери соңуна чыгып, 31-август - Эгемендүүлүк күнүнө карата ачылышы керек эле. Бирок жасалуучу жумуштар соңуна чыкпагандыгына байланыштуу музейдин ачылышы белгисиз мөөнөткө жылдырылган.

Музейин оңдоодо 118 миллион сомдон ашык акча мыйзамсыз коротулганын Башкы прокуратурадан тастыкташкан.

Ал эми Жылдыз Бакашова Улуттук тарых музейинин капиталдык оңдоп-түзөө иштерин жыйынтыктоо маселеси боюнча кеңешме өткөргөн.

Мындан сырткары депутаттар Тарых музейинин абалы менен таанышып, көчмө жыйын өткөрүшкөн. Анда эл өкүлдөрү реконструкциялоо иштери 5 жылдан бери бүтпөгөн тарыхый мекемени ушул жылдын 31-августунда, тактап айтканда Кыргыз мамлекетинин эгемендик күнүнө карата ишке киргизүүнү белгилешкен.

Белгилей кетсек, 18-май - музейлердин эл аралык күнү. Дүйнө коомчулугу музейлердин эл аралык күнү катары белгилейт. Музейлердин эл аралык күнү ЮНЕСКО уюмунун 1978-жылкы чечимине ылайык белгиленип келет.