Кара-Кулжада жер көчкү Хюндай Портер унаасынын жарымын басып калды

Ош облусунун Кара-Кулжа районунда жер көчкү Хюндай Портер үлгүсүндөгү унаанын жарымын басып калды. Бул тууралуу ӨКМдан билдиришти.

Билдирүүдө таянсак, жергиликтүү тургундар унааны чыгарып алышкан. Жабыркаган жарандар жок.

Жеринде жер көчкү түшүп кетүү коркунучу сакталууда. Ошол себептен жолго атайын белгилер орнотулган. Унаалар Ылай-Талаа-Шаркыратма унаа жолу менен катташууда.

Кечээ, 14-июнда Кара-Кулжа районундагы Сары-Булак айыл аймагынын Ылай-Талаа-Сары-Булак-Гүлчө унаа жолунун 7-чакырымында жол боюна болжол менен 8400 метр куб жер көчкү түшүп, унаа жол жабылган.

Жерине 5 куткаруучу жана мониторинг департаментинин адистери тартылган. Мониторинг департаментинин адистери тарабынан изилдөө иштери жүргүзүлгөн, жер көчкү түшүү коркунучу жогоруу болгондуктан тазалоо иш-чаралары жүргүзүлгөн жок.