Ошто изделип жаткан өспүрүм кыз Бишкектен табылды

Ошто дайынсыз болуп изделип жаткан өспүрүм кыз Бишкектен табылды. Бул тууралуу ИИМден маалымдашты.

Маалыматка таянсак, Араван РИИБине жергиликтүү тургун арыз менен кайрылып, 2005-жылы туулган жашы жете элек кызын издөөгө көмөк көрсөтүүнү суранган. Ал 3-июнь күнү саат 16:00 чамасында үйдөн чыгып кеткен боюнча дайынсыз жоголгону маалымдалган.

Аталган факты Араван РИИБинде катталып, издөө иштери башталган. Ал Бишкектин аймагында болушу мүмкүн деген маалыматтар дагы текшерилген.

14-июнда ИИМдин Кылмыш иликтөө башкы башкармалыгынын ыкчам кызматкерлери Бишкек шаарынын аймагынан жашы жете элек кызды табышкан. Андан ары туугандарына өткөрүп берүү үчүн ИИМдин Коомдук коопсуздук кызматынын Жашы жете электердин арасындагы укук бузуулардын алдын алуу борборуна жеткирилген.