Сузакта милиция кызматкерлери пара менен кармалышты

Жалал-Абад облусунун Сузак РИИБинин кылмыш иликтөө бөлүмүнүн ыкчам кызматкерлери пара алып жаткан учурда кармалышты. Бул тууралуу УКМКнын басма сөз кызматынан билдиришти.

Маалыматка ылайык, 21-июнда Сузак райондук ички иштер башкармалыгынын ыкчам кызматкерлери 15 миң сом акча каражатын пара катары алып жаткан учурунда кармалышкан.

"Такталгандай, К.А.А. жана Э.А.А. аттуу Сузак РИИБинин кылмыш иликтөө бөлүмүнүн ыкчам кызматкерлери Сузак районунун жашоочусун кылмыш жообуна тартуу менен коркутуп, жасалма арыз материалдарын жасашып, оң чечим чыгарып беребиз деп 40 миң сом өлчөмүндө акча каражатын талап кылышкан, анын 25 миң сомун мурда алышкан.

Бул факты Кылмыш-жаза кодексинин 343-беренеси (пара талап кылуу) менен кылмыш иши козголду. Кармалгандар УКМКнын тергөө камак жайына киргизилди. Азыркы учурда сотко чейинки өндүрүштүн алкагында тиешелүү иш-чаралар уланууда", - деп жазылган маалыматта.