Өзбекстанда 20 жылдан кийин адаттан тыш ысык аба ырайы катталды

Өзбекстанда акыркы 20 жылдан бери алгачкы жолу адаттан тыш ысык аба ырайы катталды. Бул тууралуу аталган өлкөнүн басылмалары жазып чыкты.

Маалыматка ылайык кечээ, 29-июнда саат 13:20 чамасында "Машикудук" метеорологиялык станциясында 47,1 градус ысык аба ырайы катталган.

Мындан тышкары Кашкар-Дарыя облусундагы "Мубарак" метеостанциясында 45,9 градус, ал эми Бухара облусунда 46,6 градус аптап байкалган. Аба ырайынын мындай жогорку чеги акыркы 20 жылдыктагы абсолюттук көрсөткүч.

Белгилей кетсек, Өзбекстандын аймагындагы эң жогорку рекорддук температура 1943-жылы Кызылкум чөлүндө катталган (49 градус ысык).