Кара-Көлдө 2-топтогу майып сабалып, ооруканада көз жумду

Кара-Көл шаарында 34 жаштагы 2-топтогу ден соолугунан мүмкүнчүлүгү чектелген жаран белгисиз адам тарабынан сабалып, ооруканада көз жумду. Бул тууралуу облустук милициядан билдиришти.

Маалыматка ылайык, ал 26-июндан 27-июнга караган түнү кулап түштү делип ооруканага жаткырылып, 29-июнда өзүнө келбей каза болуп калган.

Бул окуя боюнча Кара-Көл ШИИБи тарабынан алдын ала текшерүү иштери жүргүзүлүп, өзү жыгылбай эле белгисиз болуп жаткан жаран тарабынан сабалганы такталган.

Бул факты Кылмыштардын бирдиктүү реестрине Кылмыш-жаза кодексинин 130-беренесинин (денеге оор залал келтирүү) негизинде сотко чейинки текшерүү иштери башталып, тиешелүү экспертизалар дайындалган. Учурда тергөө жана издөө иштери уланууда.