Ошто жарандарды миллиондогон сомго алдап кеткенге шектүү 5 жылдан кийин кармалды

Ошто ишенимге кирип бир нече жаранды алдап кеткенге шектүү катары С.Ж. аттуу жаран кармалды. Бул тууралуу Ош шаардык ички иштер башкармалыгынын басма сөз кызматынан билдиришти.

Аталган жаран 2018-жылы Б.М. аттуу жарандын ишеничине кирип, жалпы суммасы 1 миллион 628 миң 930 сомду түзгөн 38 миң 730 литр дизелдик күйүүчү майын насыяга алып, андан кийин изин жашырган.

2019-жылы дагы бир Ш.А. аттуу жарандын ишеничине алдоо жолу менен кирип, Мерседец-Бенц үлгүсүндөгү унаасын 5 миң долларга баалап насыяга алып, качып кеткен.

Бул фактылар боюнча, С.Ж. тергөө кызматына келбегендиктен анын үстүнөн 2020-жылдын 1-октябрь күнү издөө иши ачылган. Эки жылдан кийин С.Ж. тергөөгө камсыз кылынып, айыбы угузулуп кылмыш иши сотко чыгарылган.

Бирок соттун отурумуна келбей жүргөн. 12-июль күнү издөө иштеринин натыйжасында, шектүү Лейлектен кармалып, убактылуу кармоочу жайга киргизилди.