Курманкул Зулушев Сузак эли менен жолугушту

Башкы прокурор Курманкул Зулушев, министрлер кабинетинин төрагасынын орун басары Бакыт Төрөбаев Cузак районунун тургундары менен жолугушууда. Бул туурасында Башкы прокуратурадан кабарлашты.

Ага ылайык, жыйында жарандар укук коргоо органдарынын ишмердүүлүгүнө байланышкан маселелер, мыйзамсыз иш-аракеттер, коомчулукта орун алган көйгөйлөр боюнча кайрылышууда.

"Калктын кайрылуусу жеринде кабыл алынып, көйгөйлөрүн ыкчам чечүү максатында тийиштүү прокуратура органдарына тапшырмалар берилди", - деп жазылат маалыматта.

Жыйынга Сузак районунун 500дөн ашуун тургуну катышууда.

Эске салсак, мамлекет башчы Садыр Жапаров Башкы прокурор менен ички иштер министрин жер-жерлерге чыгып, элдин укук коргоо органдарынын ишмердүүлүгүнө байланышкан маселелеринен кабар алуу тапшырмасын койгон.