Салыктарды төлөө мөөнөтү 1-сентябрда аяктайт

Мамлекеттик салык кызматы бир катар салыктарды төлөө мөөнөтү жакындаганын эскертет. Бул тууралуу аталган мекеменин басма сөз кызматынан билдиришти.

Маалыматка ылайык, ушул жылдын 1-сентябрынан кечиктирбестен төмөнкүлөрдү төлөө керек:

– транспорт каражатына салык;

– турак үй, батирге салык (ишкердик иш үчүн пайдаланылбаган);

– үй, короо-жай жанындагы жана бак-чарба жер участокторуна салык.

"Салыкты өз убагында төлөбөгөндүгү үчүн жеке жактарга 1000 сом, юридикалык жактарга 5 миң сом суммасында айып каралган.

Белгилей кетсек, ушул жылдан баштап мүлккө, турак жайга жана транспорт каражатына мүлк салыгы боюнча маалыматтык эсептөөлөрдү толтуруу жана салык органдарына тапшыруу зарыл", - деп айтылат маалыматта.