"Абалы оор". Орусияда маймыл эки жаштагы кызга кол салды (видео)

Москва облусунун Мытищи шаарында маймыл эки жаштагы кызга кол салды. Мындай видео социалдык тармактарга тарады.

Маалыматка ылайык, кожоюндарынан качкан агрессивдүү маймыл кошунасынын короосуна кирип, ойноп жаткан балдарга кол салган. Балдардын баары качууга үлгүрүп, эки жаштагы кыз гана кача албай калган. Ата-энеси кызды маймылдын кол салуусунан сактап кала алышкан.

Учурда кыздын абалы оор. Ал жандандыруу бөлүмүндө. Ошондой эле кыздын апасы дагы ар түрдүү жаракаттарды алган.