Сузакта жол кырсыгы катталып, 24 жаштагы айдоочу көз жумду

Сузак районунда жол кырсыгы катталып, айдоочу көз жумду. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалым болгондой, 21-июль күнү саат 10:15 чамасында Ош-Бишкек жолунун 572-чакырымында жолдун оң тарабында токтоп турган Дэу-Нексия автоунаасын жолдун сол тарабына айдап жиберген учурда өзүнүн жолунда келе жаткан Мерседес-Бенц 311 унаасы сүзүп жол кырсыгына учураган.

Натыйжада Мерседес-Бенц 311 унаасынын айдоочусу менен жүргүнчүсү 1973-жылы туулган К.Н. райондук ооруканадан жардам алышкан. Ал эми Дэу-Нексия автоунаасынын айдоочусу 1998-жылы туулган Ш.А. алган жаракаттарынан улам Сузак районунун ооруканасында көз жумган. Ошондой эле Дэу-Нексия унаасынын жүргүнчүлөрү 1979-жылы туулган А.З, 2019-жылы туулган И.М.. райондук оорукананын жандандыруу бөлүмүнө жаткырылган.

Бул окуя Сузак РИИБне катталып, тийиштүү экспертизалар дайындалып тергөө иштери жүрүүдө. Мерседес-Бенц 311 унаасы Ош ОИИБне таандык болгон.