26-июлда Бишкектин борбордук бөлүгүндө таза суу өчүрүлөт

Бишкекте 26-июль күнү айрым райондордо суу өчүрүлөт. Бул тууралуу шаардык мэриядан билдиришти.

Маалыматка ылайык, Бишкектин борбордук бөлүгүндө 26-июлда саат 09:00дөн 00:00гө чейин таза суу берүү токтотулат.

Суу өткөргүчтөгү авариялык-калыбына келтирүү иштерине байланыштуу Көк-Жар суу алгычынын иши убактылуу токтотулат. Темир жол линиясы, Панфилов, Абдымомунов көчөлөрү жана Аламүдүн дарыясы менен чектелген аймакта суу болбойт.

Шаардык мэрия келтирилген ыңгайсыздыктар үчүн кечирим сурайт, ошондой эле калкты жана мекемелерди ичүүчү суу камдап алууларын суранат.