Жогорку Соттун судьялары Кеминдеги аялды зордуктоо боюнча кылмыш иши тууралуу маалымат берди

Бүгүн, 25-июлда Жогорку Соттун судьялары Күмүшбек Жоомартов жана Инара Гилязетдинова Жогорку Соттун басма сөз борборунда Кеминдеги К. аттуу аялды зордуктоо боюнча козголгон кылмыш иши тууралуу түшүндүрмө беришти.

Маалыматка ылайык, Чүй облусунун Кемин райондук сотунун 2020-жылдын 22-июлундагы өкүмү менен Т. аттуу жаран Кылмыш-жаза кодексинин 139-беренесинин 1-бөлүгү менен 3 жылдык мөөнөткө түзөтүү жумуштары түрүндөгү жаза менен соттолгон жана Кылмыш-жаза кодексинин 67-беренесинин 3-бөлүгүнө ылайык, эмгек акысынын 20 пайызын мамлекетке төлөп туруу каралган.

Айыпталуучу Кылмыш-жаза кодексинин 161-беренесинин 2-бөлүгүнүн 2-пунктуна, 162-беренесинин 2-бөлүгүнүн 2-пунктуна, 172-беренесинин 1-бөлүгүнө ылайык, анын аракеттеринде кылмыштын курамы жок болгондугу үчүн акталган.

Жабырлануучунун жарандык доо арызы жарым-жартылай канааттандырылып, Т. аттуу жарандан анын пайдасына 45 миң 117 сом материалдык чыгым жана 100 миң сом моралдык зыян өндүрүлгөн.

Чүй облустук сотунун жазык иштери жана жоруктар боюнча соттук коллегиясынын 2022-жылдын 6-апрелиндеги өкүмү менен Чүй облусунун Кемин райондук сотунун 2020-жылдын 22-июлундагы өкүмү күчүндө калтырылган.

Жогорку Соттун Жазык иштери жана кылмыш иштери боюнча соттук коллегиясынын 2022-жылдын 19-июлундагы чечими менен Чүй облусунун Кемин райондук сотунун 2020-жылдын 22-июлундагы жана Жазык иштери боюнча соттук коллегиясынын өкүмдөрү жана Чүй облустук сотунун 2022-жылдын 6-апрелиндеги кылмыш иштери күчүндө калтырылды.

Судьялар соттун ачыктыгын аныктаган колдонуудагы жазык-процесстик мыйзамдардын талаптары менен чектелип, бул иш сексуалдык кол тийбестикке жана сексуалдык эркиндикке каршы кылмыштар сыяктуу жабык соттук териштирүүдө каралганын маалымдашты.

Үч инстанцияда тең соттук териштирүүдө иш материалдары тыкыр иликтенип, кылмыш ишин чечүүдө колдонулуп жаткан мыйзамдардын нормаларына журналисттердин көңүлүн буруп, үч берене боюнча актоо өкүмү чыгарылганы айтылды.