Борбор калаанын 2 районунда 3 күндө 1000 тонна таштанды чыгарылды

Бишкектин Свердлов жана Ленин райондорунда акыркы 3 күндүн ичинде 1000 тоннадан ашык таштанды чыгарылды. Бул туурасында шаар мэриясынан билдиришет.

Маалыматта айтылгандай, санитардык тазалоо иштерине 30дан ашык атайын техника, 60 жүктөгүч тартылса, катуу тиричилик таштандыларын чыгарууга 25тен ашык атайын техника жана 55 жүктөгүч тартылды.

Ошондой эле Биринчи Май районунда пилоттук долбоордун алкагында «ЭкоПроф» ишканасына тиешелүү 8 атайын техника линияда иштеп жатат. Ишкана Азовская, Турусбеков, Тоголок Молдо, Манас, Васильев, Кара-Балтинская, Березовая көчөлөрүнөн жана Түштүк-2, Достук кичи райондорунда жана Көлмө, Касым, Ак-Босого, Маданият жаңы конуштарынан 150 тоннадан ашык таштанды чыгарды.