Боомдо баткак кечип, жол кыймылын көзөмөлдөгөн кызматкер саат менен сыйланды (фото)

Боом капчыгайында сел суусун кечип, жол көзөмөлдөгөн инспектор саат менен сыйланды. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.

Маалыматка ылайык, бүгүн, 9-август күнү жетекчилик милициянын прапорщиги Бейшенбаев Жалилдин Үметбековичке ыраазычылык билдирип, кол саатты тапшырган.

5-августта Боомдо кайрадан сел жүрүп, жол эки тараптуу жабылган. Андан кийин капчыгайда 3 чакырымга созулган унаа тыгыны жаралган. Мындан улам инспектор туфлиси менен сел суусун кечип, жол кыймылын жөнгө салганы мактоого алынган.