Бийлик өкүлдөрү Талас облусунун эли менен жолугушат (график)

Өлкө башчы Садыр Жапаровдун тапшырмасы менен Министрлер кабинетинин төрагасынын орун басары Бакыт Төрөбаев, Башкы прокурор Курманкул Зулушев жана ички иштер министри Улан Ниязбеков аймактарга чыгып, жергиликтүү жашоочулар менен жолугушуусун улантат. Бул тууралуу президенттин маалымат катчысы Эрбол Султанбаев билдирди.

“Бул жолу бийлик өкүлдөрү Талас облусунун тургундары менен жолугушмакчы. Жергиликтүү тургундарда бул жыйындарга катышып, тийиштүү маселелерин түз жеткирүү мүмкүнчүлүгү түзүлөт", - деп жазган ал.

Белгилей кетсек, мамлекет башчысынын жер-жерлерге чыгып, элдин укук коргоо органдарынын ишмердүүлүгүнө байланышкан маселелеринен кабар алуу тапшырмасынын алкагында бийлик өкүлдөрү элдин көйгөйлөрүнөн кабар алууда.