Бишкекте 28-августта веложүрүш өтөт

Бишкек шаарында 28-августта «Ден соолук менден башталат!» аттуу ураандын алдында веложүрүш өтөт. Бул тууралуу шаардык мэриядан кабарлашты.

Билдирүүдө айтылгандай, иш-чара Бишкек шаарынын мэриясы тарабынан Маданият, маалымат, спорт жана жаштар саясаты министрлиги, президенттин администрациясы менен биргеликте «Вело friends позитив kg» коомдук уюмунун жана «Алтын дөңгөлөк» велоклубунун колдоосу менен «Кыргыз Жараны» долбоорунун алкагында өткөрүлүүдө.

Иш-чара төмөнкү программа боюнча өткөрүлөт:

• Чогулуш орду жана убактысы – 09:00, Д.Асанов атындагы Жеңиш сейил багы;
• Веложүрүштүн катышуучуларын каттоо – саат 09:00дөн 09:30га чейин;
• Веложүрүштүн катышуучуларын тизмесин түзүү – 09:45;
• Д.Асанов атындагы Жеңиш сейил багынан башталат - 10:00;
• Финишке келүү (Т.Усубалиев аянты / Эски аянт) - 10:30-10:45;
• Салтанаттуу жана оюн-зоок бөлүктөрү;
• Жыйынтыктоо, иш-чаранын жабылышы – 11:00 – 12:30.