"Досторум менен тең жарыша ойногум келет". 15 жаштагы Саламат операция жасатуу үчүн жардамга муктаж

SUPER.KG порталына 15 жаштагы Саламат Ахматалиевдин апасы Гүлнур Акжолтоева элден жардам сурап кайрылды. Анын айтымында, уулунун операциясы үчүн 18 000 доллар керектелет.

"15 жаштагы уулум Саламат тубаса омуртка оорусу (сколиоз) менен жабыркайт. Ар бир ата-эне, айрыкча эне болгон аялзаты бала ооруса кандай абалда боло тургандыгын эң жакшы билсе керек. Көп түкүрсө көл болот демекчи, уулумдун айыгып эр азамат болушуна салым кошосуздар деген ишеничтемин", - дейт баланын апасы.

Саламат айыгып кетерине ишенээрин, келечекте кыргыз элинин керегине жараган мыкты уулдардан болорун айтты.

"Мен дагы башка балдардай болуп дене тарбия сабагына катышып, башкалар менен тең жарышып ойногум келет. Келечекте программист болууну кыялданам. Бош убактымда апама жардам берем, сабактарымды аткарам ", - дейт Саламат.

Жардам берүүнү каалагандар үчүн реквизиттер: