Садыр Жапаровдун катышуусундагы футбол: Бишкекте бир нече көчө жабылат

Бүгүн борбор калаада Кыргызстан жана КМШ ардагерлеринин футбол боюнча беттешине байланыштуу айрым көчөлөр жабылат. Бул тууралуу милициянын кайгуул кызматынан билдиришти.

Анда саат 14:00дөн тартып 23:00гө чейин Дөлөн Өмүрзаков атындагы стадиондун жанындагы көчөлөр жабылары айтылат.

"Тоголок Молдо көчөсү түндүккө карай - Чүй кең көчөсүнөн тартып Фрунзе көчөсүнө чейинки бөлүгү;

Фрунзе көчөсү Тоголок Молдо көчөсүнөн тартып Панфилов көчөсүнө чейинки бөлүгү жабылат", - деп жазылат маалыматта.

Кайгуул кызматы айдоочулардан жол эрежесин сактап, каттамдарын алдын ала пландап алууну суранат.

Беттеш учурунда борбор калаанын тургундарынын жана конокторунун коопсуздугун укук коргоо органдары жана кайгуул кызматы камсыздайт.