"Супер малина" тасмасынын баш каармандары Медер жана Нуриза нике күбөлүгүн алышты

"Супер малина" тасмасынын баш каармандары актёр Медер Нуркадыров менен актриса Нуриза Бектурова нике күбөлүгүн алышты. Бул тууралуу Нуриза Бектурова өзүнүн Инстаграм баракчасына жарыялады.

"Куттуктоолорду кабыл алабыз. Расмий түрдө жубайлар болдук", - деп жазган ал.

Белгилей кетсек, буга чейин Медер Нуркадыров Нуриза Бектурованын колун "Супер малина" киносунун алгачкы бет ачарында көрүүчүлөр алдында сураган. Вайнерлер "Малиновые отношения" деп аталган күлкүлүү вайндарды тартып, видеодо түгөйлөрдүн ортосундагы мамилелерди көрсөтүп келишкен.