Саламаттыкты сактоо министри: "Сабырбек Жумабековдун кызматын колдо бар алтындай пайдаланышыбыз керек"

Депутат Марат Мураталиев бүгүнкү жыйында жаңы дайындалган саламаттыкты сактоо министри Гүлнара Баатыровадан Сабырбек Жумабековду сурады. "Реформа деп мурдагы министр көп нерселерди жок кылды. Сабырбек Жумабековду дагы кызматтан алды. Мен азыр ал жердеги коррупциялык схемалар жөнүндө эмес, ошол жерде иштеген мыкты кызматкерлер жөнүндө айтып жатам", - деди депутат.

"Сабырбек Артисбековичти абдан сыйлайм. Ал профессор, академик. Биз бул маселени кайра карайбыз деген ой бар. Себеби бизде омуртка бел, бут оорулары көп. Эми Сабырбек Артисбековчтин кызматын колдо бар алтындай пайдаланышыбыз керек", - деди министр айым.