Бакытбек Мажитов Жогорку Кеңештин аппаратынын жетекчиси болуп дайындалды

Бакытбек Мажитов Жогорку Кеңештин аппарат жетекчиси болуп дайындалды. Бул тууралуу Жогорку Кеңештин басма сөз кызматынан билдиришти.

Тиешелүү тескемеге төрага Талант Мамытов кол койгон.

Маалымат:

Мажитов Бакытбек Өмүрзакович 1976-жылы 20-декабрда туулган. Юридикалык жана экономикалык жогорку билимге ээ, юридика илимдеринин кандидаты.

11.1998 - 07. 2003-жылдары Кыргызстан эл аралык университетинин филиалынын окутуучусу;

11.1999 - 11.2010-жылдары Жалал-Абад облустук шайлоо комиссиясынын шайлоо боюнча юрист эксперти;

12.2010 - 03.2011-жылдары Кыргыз Республикасынын Жогорку Кеңешинин консультанты;

10.1999 - 05.2015-жылдары жактоочу;

05.2015 - 05.2020-жылдары Жалал-Абад облусунун райондор аралык сотунун судьясы, төрагасы;

2020-жылдын ноябрынан бери Кыргыз Республикасынын Жогорку Кеңешинин төрагасынын кеңешчиси;

09.2016 - 09.2022-жылдары К. Ш. Токтомаматов атындагы эл аралык университетинин жарандык укук жана процесс кафедрасынын профессору (айкалыштыруу боюнча).