Ырчы Алмаз Шаадаев 32 жашка толду

Заманыбыздын хит ырларынын аткаруучусу, ырчы Алмаз Шаадаев бүгүн, 11-сентябрда 32 жашка толду.

Ал Нарын облусунун Кара-Суу айылында төрөлгөн. Ырчыны туулган күнү менен куттуктап байланышканыбызда, туулган күнүн өткөрүүнү пландабаганын билдирди.

"Куттуктап байланышканыңыздарга чоң рахмат. Мени жарык дүйнөгө алып келген апама ыраазычылыгымды билдиргим келет. Негизи шаан-шөкөттөн алысмын. Туулган күндү өткөрүүнү пландаган деле жокмун", - деди ырчы.

Белгилей кетсек, ырчы Кыргыз-Түрк «Манас» университетинин туризм жана саякат бөлүмүн аяктаган. Ырчы «Жубайым», «Сен дегенде», «Арзуу», «Көлдүк кыз» жана башка популярдуу ырлардын аткаруучусу. Үй-бүлөдө 4 бир туугандын улуусу.