Баткенге гуманитардык жардам чогултула баштады

Бишкектеги Каба уулу Кожомкул атындагы Спорт ордосунун имаратында гуманитардык жардамды кабыл алуу үчүн бирдиктүү борборлоштурулган пункт ачылды.

Маалымдалгандай, Баткен облусунун тургундарына гуманитардык жардам көрсөтүүнү каалаган мекеме-уюмдардан жана жеке адамдардан түшкөн көптөгөн кайрылууларга байланыштуу Каба уулу Кожомкул атындагы Спорт ордосунун имаратында гуманитардык жардамды чогултуу, даярдоо жана жөнөтүү боюнча бирдиктүү борборлоштурулган пункт ачылды.

"Гуманитардык жардам иретинде жөнөтүү үчүн сунушталган азык-түлүктөр: макарон, күрүч, чай, гречка, кумшекер, өсүмдүк майы, картошка, пияз, сабиз, туз, жеке гигиена буюмдары, балдар үчүн буюмдар (памперстер)", - деп айтылат маалыматта.