Баткен: Тажикстандыктар кыргыздардын үйлөрүн тоноп кетишүүдө

Баткен районунун Жаңы-Жер айыл аймагында кыйын абал жаралды. Бул тууралуу президенттин Баткендеги өкүлү Абдикарим Алимбаев кабарлады.

Ал маалымдагандай, бүгүн тажикстандыктар үйлөрдү тоноп, өрттөшкөн. Жерине Баткен районунун акими баш болгон бийлик өкүлдөрү барып, тажиктер Кыргызстандын аймагынан чыгарылып, абал жөнгө салынганы кабарланат.

"Биз муну Тажикстандын бийлик өкүлдөрүнө дагы катуу талап менен айтып жатабыз. Күндүн аягына чейин ок атууну токтотуп, техникаларды чек арадан алып кетүү боюнча иштеп жатабыз", — деди Алимбаев.

Буга чейин SUPER.KG порталына Самаркандек айылынынын тургундары тажикстандыктар алардын үйлөрүн тоноп кетип жатканын билдиришкен болчу. Мындай фактылар былтыркы жылы апрель айында тажиктердин куралдуу кол салуусу учурунда да катталган. Алар кыргыздардын үйлөрүнөн жууркан, төшөктөрүнөн баштап, короодогу малына чейин айдап кетишкен.