Тажик тараптын куралдуу кол салуусу: "Бөрү" отрядынын командири Гүлжигит Бектеновдун сөөгү жерге берилди

Тажик тараптын куралдуу кол салуусунан курман болгон "Бөрү" отрядынын 1-тобунун командири Гүлжигит Бектеновдун сөөгү кичи мекенинде жерге берилди. Бул туурасында маркумдун жакындары маалымдады.

Айтымдарында, анын сөөгү бүгүн Ноокен районунун Кызыл-Туу айылында жерге берилди.

Гүлжигит Бектенов 1995-жылы 2-февралда Жалал-Абад облусунун Ноокен районуна караштуу Достук айыл өкмөтүнүн Кызыл-Туу айылында туулган.

2013-2014-жылдары аскердик академияда билим алып, 2017-жылы Баткен облусунун Лейлек районундагы аскер бөлүгүндө "Бөрү" отрядынын 1-тобунун командири кызмат ордунда кызмат өтөп баштаган.

2019-жылы Кыргыз Республикасынын президентинин "Даңк" медалы менен сыйланган.

SUPER.KG порталынын эмгек жамааты Тажик тараптын кол салуусунан каза болгон жоокерибиздин жакындарына терең кайгыруу менен көңүл айтат.