Иманкулов: "Чек араны коргоо үчүн күч жетиштүү"

Баткенге жарандар арасында өлкөнү коргойбуз деген жөнөкөй жарандар да аттанган. Бирок чек араны коргоо үчүн армиябыздын күчү жетиштүү. Мындай пикирин Коопсуздук кеңешинин катчысы Марат Иманкулов маалымат жыйын учурунда билдирди.

"Баткендеги кырдаал түзүлгөн учурда жөнөкөй жарандар арасында бизге курал бергиле, биз барып өлкөбүздү коргойбуз дегендер көп болду. Мен айткым келет, өзүбүздө күч жетиштүү. Эгерде зарылдык болсо, биз жарандарды да курал менен камсыз кылып, өлкөбүздү биргеликте коргойбуз", - дейт Иманкулов.