Коопсуздук кеңешинин катчысы: "Кол салуу болорун билгенбиз, бирок мындай масштабды күткөн эмеспиз"

Тажикстан Кыргызстанга кол салууга даярданып жатканы туурасында маалыматыбыз болгон, бирок масштабы мынчалык болот деп күткөн эмеспиз. Бул туурасында Коопсуздук кеңешинин катчысы Марат Иманкулов билдирди.

"Тажикстан ушундай агрессия кылууга даярдык кылып жатканы туурасында маалыматтарды алып жатканбыз. Президенттин катышуусунда да бир канча жыйындарды өткөргөнбүз. Даярдыктар жүрүп жаткан, бирок мындай масштабдуу, мындай күч менен бир маалда чек аранын бардык аймагынан кол салат деп күткөн эмеспиз. Бирок мен айткым келет, эгерде биз даярдык көрбөгөндө мунун масштабы мындан дагы чоң болмок. Биздин аймакка кирип алып чыкпай коюшмак. Биз алардын өлкө аймагына берилеп келишине жол берген жокпуз", - дейт катчы.

Иманкулов мында чек арачылардын, укук коргоо органдарынын салымы чоң экенин баса белгиледи.

Баткен жана Ошто кыргыз-тажик чек арасында абал туруктуу, бирок чыңалуу бар экени айтылат. 14-сентябрда башталган тажик тараптын кол салуусунан Кыргызстандын 59 жараны мерт кетти. Алардын арасынан 40тайы аскер кызматкери.