Айрым аймактарда өткүн өтүп, күн күркүрөйт. 23-сентябрга карата аба ырайы тууралуу маалымат

Эртең, 23-сентябрда түнкүсүн Чүй, Ысык-Көл облустарында өткүн өтүп, күн күркүрөйт, калган аймактарда жаан-чачын күтүлбөйт. Бул тууралуу Кыргызгидромет билдирет.

Күндүз Ысык-Көл облусунда өткүн өтүп, күн күркүрөйт, калган аймактарда жаан-чачын күтүлбөйт.

Абанын температурасы:

Чүй өрөөнүндө түнкүсүн +11…+16, күндүз +26…+31,

Талас облусунда түнкүсүн +6…+11, күндүз +24…+29,

Ош, Жалал-Абад, Баткен облустарында түнкүсүн +12…+17, күндүз +28…+33,

Ысык-Көл облусунда түнкүсүн +8…+13, күндүз +20…+25,

Нарында түнкүсүн +3…+8, күндүз +22…+27,

Борбор калаа Бишкекте жаан-чачын күтүлбөйт. Абанын температурасы түнкүсүн +14…+16, күндүз +29…+31 градус болот.