Баткен: Тажикстандын куралдуу кол салуусунан 14 трансформатор жарактан чыккан

Баткендеги тажик тараптын куралдуу кол салуусунан кийин 14 трансформатор жарактан чыкканын Баткен электр тармактар ишканасынын директору Асылбек Артыков билдирди.

Маалымдалгандай, Баткенге калыбына келтирүү жумуштарына Чүй, Ош, Жалал-Абад жана Кыргыз электр тармактарынан 72 жумушчу, 10 топ тартылган.

“Бүгүнкү күндө бардык аба чубалгыларга электр жарыгы берилди. Бирок 14 трансформаторду алмаштыруу керек болуп турат", - деди Артыков.

Ал кошумчалагандай, Чүй электр тармактарынан 11, Жалал-Абад электр тармактарынан 2, Ош электр тармактарынан 5 трансформатор Баткенге жөнөтүлгөн. Алар келсе жогорудагы айткан трансформаторлор электр энергия менен камсыз болот.

Тажикстандын агрессиясынан Баткенде 319 даана трансформатор жабыркап, 13 миң 235 абонентке электр жарыгын берген линиялар иштен чыккан.