ӨКМ: Баткенде 81 миңдей жаран туруктуу жайгашкан жерлерине кайтууда

Тажикстандын куралдуу кол салуусунан улам үй-жайын таштап чыгууга аргасыз болгон тургундарынын айрымдары үйлөрүнө кайта баштады. Эвакуация болгон 137 миңдей кишинин 80 миңден ашууну туруктуу жайгашкан жерлерине кайтууда. Бул тууралуу ӨКМнын басма сөз кызматынан билдиришти.

Ушул жылдын 14-17-сентябрь күндөрү тажик тараптын Кыргызстанга кол салуусу 136 миң 770 жарандын коопсуз жайга эвакуация болуусуна алып келген. Анын ичинен 48 652 жаран жергиликтүү тургундардын үйлөрүнө жайгашса, 3 414 жаран эвакуациялык пункттарда, 3 895 жаран башка облустарга туугандарынын үйлөрүнө чыгып кеткен.

Министрликтин маалыматы боюнча, Баткен облусуна 1 миң 435 тоннадан ашуун гуманитардык жардам жеткирилди. Анын ичинен 252 тоннаны ӨКМ жеткирсе, 1 миң 20 тоннаны жарандар өз күчү менен жеткиришкен. Учурда кампада 162 тонна гуманитардык жардам турат. Гуманитардык жардам чогултуу үчүн 126 пункт ачылган.