COVID-19: Кыргызстанда акыркы жумада 77 жаңы учур аныкталды

Өлкөдө соңку жумада COVID-19дун 77 жаңы учуру аныкталды. Бул тууралуу Ооруларды алдын алуу жана мамлекеттик санитардык - эпидемиологиялык көзөмөл департаментинин басма сөз кызматы билдирет.

Маалымдалгандай, бүгүнкү күнгө карата тобокелдиктерди баалоо матрицасына ылайык, бардык аймактар ​​жашыл зонада.

Акыркы жумадагы натыйжалуу репродуктивдик сан 1ден аз, бул оорунун азаюусун билдирет.

Үстүбүздөгү жылдын 9 ай ичинде COVID-19дун 21 миң 412 учуру катталган. Анын ичинен 19 миң 405 (90,6%) учур лабораториялык түрдө жана 2007 (9,4%) клиникалык-эпидемиологиялык негизде тастыкталган.