Билим берүү жана илим министрлигинин жаңы жетекчиси жамаатка тааныштырылды

Билим берүү жана илим министринин милдетин аткаруучу Уланбек Мамбетакунов эмгек жамаатка тааныштырылды. Бул тууралуу министрлер кабинетинен маалымдашты.

Маалыматта айтылгандай, жаңы жетекчини эмгек жамаатка Акылбек Жапаров тааныштырган.

"Билим берүүнү реформалоо - бул социалдык муктаждык, ал чындап эле алынган билимдин сапатын жогорулатып, педагогикалык жамааттын билимин жана квалификациясын эл аралык деңгээлге көтөрүшү керек. Бул биринчи кезектеги милдет", - деп баса белгиледи Жапаров.

Өз кезегинде жаңы жетекчи министрликтин жамааты менен биргеликте алдыга коюлган милдеттерди чечүүгө бардык күч-аракетин жумшай тургандыгына ишендирди.